Erebus
Prosiect Profi ac Arddangos 100MW yn y Môr Celtaidd
Mae astudiaethau annibynnol wedi awgrymu y gallai fod cymaint â 50GW o gapasiti trydan ar gael yn nyfroedd Môr Celtaidd y DU ac Iwerddon. Gallai’r adnodd ynni adnewyddadwy hwn chwarae rhan allweddol yn y DU i gyrraedd y targed Sero Net 2050 sy’n ofynnol i liniaru newid hinsawdd. Bydd Erebus, y prosiect gwynt arnofiol ar y môr cyntaf yn y Môr Celtaidd, yn darparu cyfleoedd cadwyn gyflenwi carbon isel newydd, yn cefnogi cymunedau arfordirol ac yn creu manteision hirdymor i’r rhanbarth.
Cynhyrchu pŵer carbon isel
Erebus 100MW = 93,217 o gartrefi yn cael eu pweru bob blwyddyn
Lleihau allyriadau carbon
Arbed 151,767 tunnell o allyriadau carbon y flwyddyn
Technoleg gadarn
Bywyd gweithredol fferm wynt arnofiol = 25 mlynedd
Cerrig camu i gynorthwyo’r gadwyn gyflenwi leol
Credwn y bydd dull cerrig camu i ynni gwynt arnofiol yn y Môr Celtaidd yn rhoi’r cyfle gorau i gadwyn gyflenwi’r DU ymgysylltu yn y sector cyffrous newydd hwn, gan wneud y mwyaf o gynnwys a swyddi yn y gadwyn gyflenwi leol. Mae hyn yn golygu dechrau gyda phrosiectau arddangos llai cyn symud yn raddol i brosiectau masnachol mwy yn y 2030au.
Bydd Blue Gem Wind yn canolbwyntio ar brosiect arddangos 100MW, Erebus
Bydd y prosiect, a enwyd ar ôl y llong enwog a adeiladwyd yn Noc Penfro ym 1826, yn dod yn un o’r prosiectau gwynt alltraeth arnofiol mwyaf yn y byd pan gaiff ei adeiladu yn 2026. Ewch i’n tudalen gynllunio am ragor o wybodaeth.
Adeiladwyd HMS Erebus ym 1826 yn Iard Ddociau’r Llynges Frenhinol yn Noc Penfro. Hi oedd yr ail long yn y Llynges Frenhinol i gael ei henwi ar ôl Erebus, rhanbarth tywyll Hades ym mytholeg Groeg, a hi oedd yr olaf ond un o longau rhyfel a elwid yn longau bomio, gyda’u dyluniad yn caniatáu iddynt “daflu” sieliau dros amddiffynfeydd arfordirol. Ar ôl dwy flynedd o ddefnydd gan y Llynges ym Môr y Canoldir, dechreuodd Erebus ei bywyd fel llong archwilio yn yr Antarctic a’r Arctig gan ddarganfod a llunio ein dealltwriaeth o’r ffiniau oer.
Ym 1848, diflannodd dwy long ymgyrch Franklin, H.M.S. Erebus a H.M.S. Terror gyda’u holl griwiau wrth chwilio am Dramwyfa’r Gogledd-orllewin. Mae eu tynged yn un o ddirgelion parhaol yr oes archwilio. Anfonwyd nifer o ymgyrchoedd allan i’w canfod, cynigiwyd nifer o ddamcaniaethau i esbonio’r hyn a ddigwyddodd. Dim ond gwneud y dirgelwch yn fwy cymhellol a wnaeth sibrydion tywyll am ganibaliaeth. Nid tan 2014 y gwnaeth cenhadaeth o Ganada, wedi’i chyfarparu â’r holl offer archaeolegol morol diweddaraf, ddarganfod Erebus. Darganfuwyd Terror ddwy flynedd yn ddiweddarach.
Anatomeg tyrbin gwynt arnofiol
Er nad yw gwneuthurwr y tyrbin wedi’i benderfynu eto, rydym yn gweithio gyda Principle Power Inc a fydd yn darparu’r llwyfannau arnofiol a chefnogaeth i’r prosiect. Mae Windfloat® Principle Power yn un o’r technolegau arnofiol mwyaf datblygedig yn y byd.
Cymunedau Arfordirol Cynaliadwy
Gallai’r GW cyntaf o ynni gwynt arnofiol yn y Môr Celtaidd ddarparu dros 3000 o swyddi a £682 miliwn mewn cyfleoedd cadwyn gyflenwi leol erbyn 2030
Datgloi’r Adnodd Gwynt
Mae astudiaeth wedi nodi 150 i 250 GW o adnoddau gwynt yn y Môr Celtaidd gyda thua 50 GW yn gyraeddadwy
Dyfodol Carbon Isel Newydd
Cyflawni prosiect gwynt arnofiol cyntaf y Môr Celtaidd. Darparu ynni gwyrdd i 93,217 o gartrefi y flwyddyn
Cefnogi polisïau Llywodraeth Cymru a’r DU gan gynnwys:
Targed Net Sero 2050 / Argyfwng Hinsawdd / Strategaeth Ddiwydiannol y DU / Strategaeth Twf Glân y DU / Deddf Llesiant Cenedlaethau’r Dyfodol / Deddf Amgylchedd Cymru / Cynllun Morol Cenedlaethol Cymru.
Eisiau gweithio ar brosiect Erebus?
Er mwyn manteisio i’r eithaf ar gyfleoedd yn y gadwyn gyflenwi, rydym yn gweithio mewn cydweithrediad â Llywodraeth Cymru, Ynni Morol Cymru, Cornwall Development Company, Offshore Renewable Energy Catapult a’r Celtic Sea Cluster. Llenwch ein ffurflen ar-lein gyda’ch manylion a byddwn yn eich ychwanegu at ein cronfa ddata cadwyn gyflenwi.
